照顧家人 更要關顧自己
平時忙住照顧屋企，照顧小朋友，樣樣全能。
今次，要留返少少時間畀自己！
2026年10月15日，我哋喺葵涌社區服務中心(葵涌邨旭葵樓)舉辦咗「照顧者之月」- 迷你花籃工作坊，比邨內照顧者及媽媽們，享受一段屬於自己嘅 Me Time。
大家一邊做花籃，專注眼前嘅花材；一邊傾偈，分享生活點滴，認識區內同路人，互相支持及鼓勵，紓解壓力。
今次仲有兩位「ERB花店實務及花藝設計助理基礎證書」畢業學員擔任小助手，首次以協助者身份參與工作坊，陪伴大家一齊享受放鬆嘅時光。
希望大家多啲關心身邊照顧者，簡單一句問候，已經可以為佢哋帶來無限溫暖．
而照顧別人嘅你，一樣值得被關心。
我哋會定期舉辦唔同嘅活動，為照顧者或邨內居民留一個歇腳、交流及學習嘅空間。大家如果都想參加活動，可以點入以下連結加入whatsapp群組，就會收到葵涌社區服務中心舉辦最新活動或課程資訊。
Whatsapp群組: 葵涌社區服務中心-活動及課程資訊群組
葵涌社區服務中心
地址：葵涌邨旭葵樓地下7號室
電話：2410 8077
#照顧者之月 #照顧者MeTime #關愛照顧者 #照顧者心靈健康 #葵涌邨旭葵樓 #社區連結活動 #課程資訊
FB帖文: 照顧家人 更要關顧自己
IG帖文: 照顧家人 更要關顧自己