<2023-24 ERB課程學員畢業典禮> 完滿結束
上星期六(1月13日)，於香港聖公會麥理浩夫人中心葵涌總部舉行嘅《2023-24 ERB學員畢業典禮》已完滿結束。今次活動，我哋好榮幸分別邀請到 香港聖公會麥理浩夫人中心總幹事 - 吳煜明先生 及 香港聖公會麥理浩夫人中心就業發展綜合服務 - 服務協調主任曾淑儀女士出席，主持畢業典禮及頒發證書。當日過百位同學出席活動，部份同學仔更上台領取畢業證書；多位培訓導師及畢業學員更於台上分享課堂時嘅難忘回憶及點滴，場面熱鬧溫馨。
2024 起動於此
活動期間，曾姑娘分享就業發展綜合服務多年來一直透過轄下４個就業發展綜合服務中心，分別位於葵涌、青衣、荃灣及太子(寵愛軒)，5個社企服務單位(麥理浩餐廳、建業坊、融藝工房、融藝坊及悅麗居)，提供ERB再培訓課程及其他多元化嘅服務，讓學員了解自己嘅興趣及專長，從而提升個人技能，配合實踐，與市場接軌，開創發展機遇。
咖啡 改變人生
要數最大轉變嘅，莫過於為我哋分享嘅咖啡課程導師Pauline及其高徒Carmen，同大家分享咖啡如何改變人生。Pauline於中年路上，因為一個決定，報讀ERB咖啡調製員課程後，對咖啡產生濃烈嘅興趣，毅然將人生事業嘅跑道，轉向發展其咖啡事業，創立工作室，更成為ERB咖啡調製員課程導師，作育英材，希望為事業上迷失嘅同路人，予以鼓勵及分享其轉變嘅經驗。
而作為其高徙嘅畢業學員Carmen，當初亦係戰戰兢兢地接觸咖啡，無諗過一試就愛上，一口氣完成一系列嘅ERB咖啡培訓課程，更由內歛嘅性格，變成愛同人分享其轉變嘅故事；於短短一年間，創立自己嘅咖啡工作室及品牌，四出搜羅靚咖啡豆親自炒製，更教授手沖咖啡興趣班，繼續傳承呢份使命。
「麥理浩。同學會」正式成立
同日即場宣布，「麥理浩。同學會」*正式成立，意味著我哋日後將舉辦更多唔同嘅活動，凝聚畢業同學，同心同行，互勵互勉，發展事業及個人興趣。
想入會嘅同學仔，唔使心急，我哋將會稍後公布詳情，記得密切留意哦！
畢業 ~ 並不代表結束
而係代表另一階段嘅開始，我哋熱切期待你成為同學會嘅一份子，同我哋緊密聯繫，展現不一樣嘅將來。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
一個決定 成就不一樣嘅人生
投資於自己身上，無論係健康抑或係知識，從來都唔會遲。
今日，就把握機會了解吓啦~~
ERB課程: https://icds.skhlmc.org.hk/erb_course/
其他自費課程: https://icds.skhlmc.org.hk/courses/
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
*「麥理浩。同學會」申請資格:
1. 曾於香港聖公會麥理浩夫人中心-就業發展綜合服務(ICDS) 轄下中心，修畢ERB全日制或兼讀制證書課程之人士或；
2. 2024年1月1日以後，於香港聖公會麥理浩夫人中心-就業發展綜合服務(ICDS) 轄下中心，完成自費課程之人士。
^以上文字轉載自FB貼文(2024-01-15)