香港聖公會麥理浩夫人中心

香港聖公會麥理浩夫人中心
再度勇奪4項ERB大獎

ERB年度頒獎禮2025-26於3月24完滿結束，我哋又攞到4個大獎喇，仲要係冧莊奪獎，好興奮。。。但我哋絕不會自滿！

勇奪4️⃣項ERB大獎項，包括：
ERB 特定對象培訓獎
ERB 課程管理獎
ERB 傑出學員獎 - 陳鈺賢女士
ERB 優異學員獎 - 林嘉欣女士

兩位ERB得獎學員，陳鈺賢(本年度「ERB傑出學員獎」得獎者），由一位以倉務員散工維生，兜兜轉轉，報讀「咖啡調製員基礎證書」課程，終於尋覓到用一杯咖啡，為人生「重新調味」。
另一位得獎者林嘉欣（本年度「ERB優異學員獎」），從小因自卑而遠離學習，但仍然克服逆境堅持手工藝創作。作為三位有特殊學習需要孩子嘅媽媽，佢更加積極參與義工工作，更報讀「社福活動助理基礎證書」課程，銳意發展自己事業，更親自以藝術教學陪伴兒童及SEN家庭同行。

同場加影我哋嘅學員連秀菁，分享自己完成「人工智能知識及應用證書」及「網上商業(社交網絡營銷)基礎證書」後，為自己手工藝事業再提升網上推廣及銷售技能，讓更多人知道佢嘅工藝品創作理念，迎來事業小高峰！

佢哋嘅故事正正表現「我做到，你哋都可以做到」，佢哋嘅經歷，稍後再同大家分享！

連續3年獲得「ERB特定對象培訓獎」及連續2年獲得「ERB課程管理獎」，絕對係對同工團隊⭐、專業導師團隊⭐以至每位畢業學員嘅肯定。喺呢度亦想多謝各位年青人對我哋嘅支持，能夠協助大家搵到往後人生方向，同你哋同哭、同樂、同行，令我哋嘅工作更顯得有意義。新進駐於長沙灣嘅寵愛軒(Petzone)，新環境，新意念，繼續推廣「青年為本、職涯發展、人寵共融」服務目標。

人生唔係得一條方程式，每個人都係獨立個體，有著不同嘅過去，能夠於同一課程相遇，彼此扶持，就係你、我嘅同行者。扎根葵青荃社區多年，我哋一直為不同年齡、背景嘅朋友提供培訓、就業支援及職涯規劃服務，幾多高山低谷，都陪你走過。面對經濟環境轉變、社會急速轉型，期待與您同心、同學、同行，開展新篇章。

新年度嘅ERB課程已經如箭在弦，上線中 4 - 6月嘅課程已開始爆滿，快啲把握機會，希望同你展開無限可能！

最新ERB課程：全新年度ERB培訓課程