香港聖公會麥理浩夫人中心

根據香港政府統計處於2023年2月的香港統計月刊，香港嘅出生率持續下降，由2012年95,451個新生BB，到2021年36,953個，十年之間足足下趺超過6成。生育率之低，政府不得不出手，又出口，呼籲家庭生B之餘，於今件施政報告內，向每名新生嬰兒派$2萬作為生育津貼。

 

生B需要多方面嘅考慮，家庭經濟狀況、生育意向、培育教學、長輩能否協助等，都係一個非常之「長遠」嘅大project！

古時生B就無咁多考慮喇，反而生得越多越好，因為人丁兩旺。當知道鄰家將會有baby出世，婦女們都會開始集合家家戶戶嘅小碎布，一針一線串縫製造百家被，寓意集合百家送上嘅祝福，載溫暖嘅寄望，希望孩子健健康康，快高長大。

 

今次為大家介紹由️「融藝工房」️全手工製作嘅手工製併百家被，有別於其他一般以正方形嘅車縫製法，以較高難道及複雜車工嘅六角形車縫布藝技術，滙聚不同款式嘅布料，承傳呢份對孩子嘅祝福！

 

竟然一 B難求，我哋就好好珍惜每一個孩子，等佢哋於充滿愛及關懷嘅環境下健康成長！

 

有關【融藝工房】

融藝工房於2007年投入社企服務，為香港聖公會麥理浩夫人中心就業綜合發展服務6大社企服務之一，位於青衣長安邨青衣綜合服務中心內，服務對象主要為葵青荃區的婦女、失業人士、低收入人士、新來港人士等，或對手工布藝有興趣之人士。我們關注女性於社會上的地位，讓昔日以手工車縫布藝為職業的婦女，重拾工作技能，發揮所長，釋放婦女的就業能力，達至自力更生。

 

融藝坊為「融藝工房」社企之布藝零售業務，位於南昌港鐵站內，以銷售「融藝工房」生產的手工布藝產品及本地製造的手工藝作品為主，提供就業平台予完成培訓之學員，以提升個人技能，創造就業機會。